Хезболах го прекрши прекинот на огнот во Либан утрово со напад на нашите војници во безбедносна зона што ги штити израелските заедници веднаш преку границата, објави Израел.
Канцеларијата на израелскиот премиер Бенјамин Нетанјаху денес објави дека тројца припадници на Израелските одбранбени сили (ИДФ) се сериозно ранети во напад на Хезболах во областа Али Тахер Риџ во јужен Либан.
„Хезболах го прекрши прекинот на огнот во Либан утрово со напад на нашите војници во безбедносна зона што ги штити израелските заедници веднаш преку границата. Тројца од нашите војници се сериозно ранети во нападот на Хезболах“, се вели во соопштението на кабинетот, објави „Тајмс оф Израел“.
Во соопштението се додава дека ИДФ одговориле со напад на седиштето на Хезболах од кое бил нареден нападот.
Целта бил објект во градот Ансар, а според либанските медиуми, во нападот загинале седум лица, меѓу кои три деца и две жени.
„Дури подоцна ИДФ дознал дека Хезболах намерно сместил цивили во воениот објект“, се вели во соопштението.
Либанската државна Национална новинска агенција (ННА) претходно денес објави дека најмалку седум лица се убиени, а тројца се повредени во израелски воздушен напад утрово на периферијата на градот Ансар во округот Набатија, во јужен Либан.
ИЗДВОЕНИ
СИНОДОТ МУ ОДГОВОРИ НА СРПСКИОТ ПРЕТСЕДАТЕЛ, НО ШТО СО НЕПРИЈАТНИТЕ ПОРАКИ ОД БЕЛГРАД: Ќе се определат ли македонските владици дали МПЦ-ОА е своја на своето или е на имот што ѝ го дала СПЦ „на користење“?
Почина 72-годишник од западнонилска треска, на Инфективна
Гостиварци, конечно, добија безбедна вода за пиење – ќе ја пуштат ли чешмата без страв?
Со трактор пред огнот – Аце ја ораше земјата кога тргна пламенот кон селото
