Иако декорацијата и боите можат да создадат впечаток да траат подолго, станува збор за варени јајца кои имаат ограничен рок на траење.
Варените јајца, вклучувајќи ги и оние кои се бојадисани за празниците, можат да се чуваат во фрижидер до седум дена од денот на варењето, под услов брзо да се изладени и складирани на температура до 4 степени Целзиусови, пишува Кликс.ба.
Ризикот почнува кога јајцата стојат подолго на собна температура, а често се случува во текот на бојадисувањето, украсувањето или празничните собири. Во тој случај, варените јајца не би требало да бидат надвор од фрижидер подолго од два часа, бидејќи така се зголемува ризикот од расипување.
Посебно внимание треба да се посвети на состојбата на лушпата. Ако јајцето е напукнато во текот на варењето или при подоцнежно ракување, се препорачува што поскоро да се потроши, бидејќи е поподложно на развој на бактерии.
Природните бои кои се користат за украсување на јајцата не влијаат на нивната трајност, туку имаат само естетска функција.
За безбедна консумација клучно е правилното чување. Јајцата е најдобро да се чуваат во фрижидер, во затворен сад или во оригинална амбалажа, а се препорачува да не се лупат однапред за лушпата да ја задржи својата заштитна улога.
Пред консумација треба да се посвети внимание на знаците на расипување како непријатен мирис, промена на бојата или текстурата, како и на слузната површина. Во такви случаи, посигурно е да го фрлите јајцето без да ризикувате здравствени проблеми.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
