среда, ноември 18, 2026
Дома ЕКОНОМИЈА Германија драстично ги намалува платите и бројот на работници од Балканот

Германија драстично ги намалува платите и бројот на работници од Балканот

0

Германската влада планира да го намали бројот на работници од земјите на Западен Балкан што годишно можат да добијат работна виза, од досегашните 50.000 на 25.000. Предлогот, кој е дел од најавените промени во миграциската политика на владата на канцеларот Фридрих Мерц, треба да добие одобрение од Бундесратот, а гласањето е најавено за 18 декември.

Одлуката предизвика реакции кај германските работодавачи, особено во градежниот сектор, кој веќе се соочува со недостиг од квалификувана работна сила. Според претставниците на индустријата, намалувањето на квотата може да доведе до недостиг од дополнителни 9.000 работници, доцнење на градежните проекти и зголемување на трошоците за изградба на станови и инфраструктура.

Градежните здруженија предупредуваат дека странските работници имаат значајна улога во германската економија. Секој седми вработен во германското градежништво е странски државјанин, а околу 35 проценти од визите издадени според Регулативата за Западен Балкан се однесуваат на вработување во градежниот сектор.

Намалувањето на квотата би значело помалку можности за заминување на работа во Германија, како и потенцијално намалување на дознаките што работниците ги испраќаат до своите семејства во матичните земји. Додека германските работодавачи бараат укинување на ограничувањата поради недостигот од работници, владата се залага за построга контрола на миграцијата. Така, Германија се соочува со предизвикот да ги усогласи потребите на својата економија со новата миграциска политика.

ИЗДВОЕНИ