Претседателот на СДСМ Венко Филипче по повикот на министерката за финансии Гордана Димитриеска-Кочоска за средба во Министерството за финансии, ја прифати поканата под услов да биде целосно отворена за јавноста и на неа да присуствуваат и медиумите со камери.
Ваквата реакција доаѓа по јавната покана на министерката до економскиот тим на опозицијата со цел да се соочат економските аргументи и бројки.
Филипче, преку објава на неговиот профил на платформата „Икс“, нагласи дека опозицијата е подготвена за директно соочување, но инсистира на целосна транспарентност пред граѓаните.
„Добро. Доаѓаме. Но, да дојдат и медиумите со камери. Отворете ги вратите широко, нека слушаат и нека гледаат граѓаните. Нека ни објасни како 1+2=5, како што објаснуваше дека половина Европа ќе банкротира, а Македонија ќе стане богата“,
напиша лидерот на СДСМ.
ИЗДВОЕНИ
Македонците веќе нема лесно да одат на работа во Германија без диплома и искуство
Преговорите за Изборниот законик повторно во ќор-сокак, дијаспората останува главен камен на сопнување
Три нови лека против згрутчување на крвта на позитивната листа
Поротниците во Кривичниот суд стапија во мирен протест поради ниските дневници
