Турскиот претседател Реџеп Таип Ердоган денес изјави дека Турција е подготвена да преземе поголема одговорност за пофер распределба на товарот во рамките на НАТО.
Ердоган, по самитот на НАТО одржан во Анкара, рече дека „самитот ги постави темелите за посилен сојуз“, пренесува „Танјуг“.
Зборувајќи на крајот од конференцијата во Анкара, Ердоган на прес-конференција рече дека солидарноста меѓу сојузниците на НАТО била многу очигледна за време на самитот.
Порано денес, американскиот претседател Доналд Трамп оцени дека самитот на НАТО во Анкара бил многу успешен, нагласувајќи дека членките на Алијансата постигнуваат голем напредок кон целта за издвојување на пет проценти од БДП за одбрана.
Турскиот претседател Реџеп Таип Ердоган денес изјави дека разговарал за заедничката соработка во одбранбената индустрија со американскиот претседател Доналд Трамп и потврди дека оваа соработка се однесува на изградба на воени бродови, фрегати, подморници и корвети.
На прес-конференцијата на крајот од самитот на НАТО во Анкара, Ердоган изјави дека имал многу плодни разговори со Трамп и додаде дека е задоволен од средбата со американскиот претседател, пренесува „Танјуг“.
Ердоган потврди дека САД „претежно ги укинале воените санкции против Турција“ и нагласи дека Трамп има позитивен став кон продажбата на американски борбени авиони Ф-35 на Турција.
Тој изрази надеж дека „светот ќе види дека САД го исполнуваат своето ветување“ и го отфрли противењето на Израел и Грција на договорот за испорака на американски борбени авиони Ф-35 на Турција.
ИЗДВОЕНИ
Еврокомесарката Кос и премиерот Мицкоски со иста цел, но со различни патишта до Брисел
КОЛУМНА, ЗВОНКО ДАВИДОВИЌ: Демократија на „апарати“, од партиски штабови до дигитални септички јами
Домашната пченица стои непродадена, а увезуваме пченица и брашно со сомнителен квалитет
Сиљановска-Давкова: „Најсилна Европа е онаа што живее во мир и демократија, заснована на принципи и вредности“
