Загрепската полиција извести дека рано утрово, по четири часот, тројца непознати мажи влегле во семејна куќа во областа Максимир. Полицијата изјави дека сопственикот на куќата (65) и двајца членови на семејството, малолетник и 62-годишна жена, биле во куќата во тој момент, пренесе хрватски „24 сата“.
„Веднаш по влегувањето во куќата, тие физички го нападнале 65-годишниот маж и го повредиле со остар предмет. Во одбрана на нападот врз себе, тој успеал да го оттурне еден од сторителите од себе“, изјави полицијата.
Додадоа и дека еден од осомничените потоа му се заканил со огнено оружје.
– Малолетниот член на семејството потоа го удрил по главата со предмет што му бил на дофат, со намера да се одбрани, по што сите осомничени избегале – соопшти полицијата.
Се уште се трага по тројцата мажи осомничени за нападот, потврди загрепската полиција.
Тие исто така соопштија дека во овој инцидент е полесно повреден 65-годишен маж, на кој му е укажана медицинска помош во Клиничкиот болнички центар во Загреб. Во тек е кривична истрага и утврдување на сите околности.
ИЗДВОЕНИ
ПОЗИТИВНАТА ЕНЕРГИЈА ОД САМИТОТ ЕУ – ЗАПАДЕН БАЛКАН СЕ ШИРИ ВО РЕГИОНОТ: „Нон-пејперот“ од Тиват донесе видлив оптимизам и во Македонија
ЖИВОТНИ ПАТОКАЗИ, ЗОРАН КРСТЕВСКИ: Лек за душевно страдање
ПРЕСАДЕНИТЕ СРЦЕ И БУБРЕГ СПАСИЈА ДВА ЖИВОТА: Хуман чин на скопско семејство ја врати надежта во силата на дарувањето на органите
Коњско и Голем Град – дијалози со езерото што чува спомени и со островот што зборува со векови
