Многу свежа воздушна маса од Северниот Атлантик ја зафати северна, западна и југозападна Европа, носејќи дождливо и навистина есенско време, со температури во многу области само околу 10 степени. По летните температури до 30 степени, студената воздушна маса донесе силно разладување од северна Германија до Полска, со температури околу 10 степени.
Алпите исто така беа погодени од силно разладување, а времето повеќе наликува на есенско. Снег падна од Француските Алпи на запад до Австриските Алпи на исток, а ги покри и Алпите во јужна Германија и Швајцарските Алпи.
Снегот целосно ги покри Алпите над 2.000 метри надморска височина низ цела Швајцарија. Бројни населби се покриени со снег, а некаде наврнаа повеќе од 30 см снег, локално и повеќе.
Снегот ги покри патиштата, а сообраќајот е целосно парализиран. Дури и некои железнички линии се нарушени поради обилните снежни врнежи. Снегот ќе продолжи да паѓа, а се очекува вкупно повеќе од половина метар снег.
Студената воздушна маса се спушти до Шпанија. Силни грмотевици ги погодија северните делови на Италија, а некои делови беа погодени и од многу силен град.
Во исто време, летното време и температурите од 25 до 30 степени го зафатија Балканското подрачје, но и источна Европа.
Температурите во Русија и Украина се движат од 25 до 30 степени.
ИЗДВОЕНИ
Застрашувачки проценки по земјотресот во Венецуела: Американската агенција предупредува на можност од десетици илјади жртви
Од Србија екстрадиран Саит Саитов, 19-годишникот кој прегази жена во скопски Капиштец и побегна од државата
Трамп ja спомна Македонија, па ја отвори темата за Охридскиот рамковен договор од 2001-ва!
По топлиот ден – вечерва не чека пријатно летно освежување
