Ирска нема да учествува на Изборот за песна на Евровизија во 2027 година, објави денес ирскиот јавен радиодифузер RTÉ, наведувајќи го како причина тековното страдање на луѓето во Газа.
„RTÉ смета дека учеството на Ирска не може да се оправда со оглед на ужасното и непрекинато страдање на луѓето во Газа и хуманитарната криза што продолжува да ги загрозува животите на голем број цивили“, соопшти радиодифузерот, а пренесе Ројтерс.
Покрај Ирска, досега официјално од натпреварот се повлече само уште една земја – Холандија.
Холандскиот јавен радиодифузер AVROTROS во август објави дека Евровизија повеќе не може да се смета за неутрален настан сè додека во неа учествува држава вклучена во воен конфликт од големи размери.
Бранот бојкоти на Евровизија започна на претходниот натпревар во 2026 година, кога пет земји одбија да учествуваат: Ирска, Холандија, Исланд, Словенија и Шпанија.
