Апокалиптични сцени во јужна Грција, огнена стихија беснее низ островите/ВИДЕО

Пожари беснеат во неколку области на Грција веќе трет ден, а најтешка е ситуацијата во јужниот дел на Ретимно на Крит, каде што пожарникарите се обидуваат да го стават под контрола главниот пожарен фронт во областа Агиа Параскеви со помош на голем број екипи.

Во исто време, нов пожар избувна во Аркадија, додека пожарот на островот Парос повторно се активираше, објави Прототема.

Според информациите од Координативниот центар, гаснењето на пожарот во Ретимно го отежнуваат силните ветрови и непристапниот терен. Затоа пожарот повторно избувнува и се шири понатаму.

⚠️🔥Δύσκολη κατάσταση στο νησί της Πάρου και συγκεκριμένα στην περιοχή Γλυφά και η Τρυπητή.

Βίντεο : ΙΩ Αννα #παρος #fire #cyclades #greece pic.twitter.com/Bgmoxv0il0

— Forecast Weather Greece (@ForecastGreece) July 30, 2026

На терен се распоредени бројни противпожарни екипи од целиот Крит, вклучувајќи пешадиски единици и членови на специјализирани противпожарни екипи. Тие се обидуваат да го локализираат пожарот со помош на механизација.

Во операцијата за гаснење учествуваат и жителите на погодените села, волонтери, како и цистерни за вода и градежна механизација од локалните власти од Агиос Василиос, Амариос, Ретимно и јужните делови на Ираклион.

WATCH : A huge forest fire broke out on the Greek island of Crete.

Hundreds of tourists were safely moved out of resorts and central areas as strong winds quickly pushed the flames toward hotels. https://t.co/1bbOQOSsuh pic.twitter.com/6Um3Vnoxal

— Inside the conflict (@InsidConflict) July 30, 2026

Поради исклучително високиот ризик од нови пожари, властите воведоа привремена забрана за сообраќај и присуство на граѓани во одредени шумски области на Патрас.

Забраната е во сила од 21:00 до 06:00 часот и се однесува на неколку шумски патишта и заштитени подрачја. Постојаните жители, вработените, сопствениците на земјиште, сточарите и луѓето што ги користат главните патишта се ослободени.

Нов пожар избувна и во шумската област Фалаиси, во општината Мегалополис во Аркадија.

Според противпожарната служба, пожарот е пријавен околу 23:10 часот, а на местото на настанот се распоредени 48 пожарникари, три пешадиски единици и 12 противпожарни возила.