Телото на Анастасија Березовска, осомничена за учество во обидот за убиство на санкционираниот украински милионер Вадим Јермолаев во Монако, е пронајдено во близина на Киев. Според неофицијални информации, таа е застрелана, пишува „Украинска правда“.
Извори од украинските судски органи наведуваат дека телото е откриено во понеделникот, околу 23 часот по локално време. Исто така, познато е дека жената престојувала во странство од 22 март минатата година до 1 јули оваа година.
Друг извор од полицијата потврди за „Украинска правда“ дека се уапсени двајца осомничени во врска со овој случај. Едниот од нив е активен службеник на Украинската служба за одбрана и разузнавање, а другиот е поранешен полицаец.
За потсетување, на 29 јуни, околу 21 часот, во Монако одекна експлозија, при што беа повредени три лица, од кои две сериозно. Медиумите објавија дека Јермолаев, неговата партнерка и нивниот син се меѓу жртвите. Експлозијата предизвика масовна потрага по осомничен маж, но подоцна се утврди дека тоа е жена преправена во Маж и идентификувана како Анастасија Березовска од Украина.
