Жителите на Санкт Петербург и регионот Ленинград синоќа беа сведоци на необичен небесен феномен.
Овој настан следеше по успешното лансирање на ракетата-носач „Сојуз-2.1б“ од космодромот Плесецк од страна на руските воздухопловни сили на 17 април.
Синоќа, жителите на Санкт Петербург забележаа необичен светлосен феномен на небото што предизвика многу шпекулации во јавноста, а кој брзо беше наречен „вселенска медуза“ во медиумите. Сепак, експертите нагласуваат дека ова е честа појава што го придружува лансирањето на вселенски летала.
Светлана Аветисјан, заменик-претседател на Мурманското астрономско-геодетско здружение, објасни за „РИА Новости“ дека овој феномен во никој случај не е поврзан со вонземски активности. Според неа, специфична глетка се јавува кога гасовите – јаглерод диоксид и водена пареа, кои се нуспроизводи од согорувањето на ракетното гориво – се на големи надморски височини, каде што се осветлени од сончева светлина. Тоа е реакција на посебен вид керозин и течен кислород, кој создава визуелно импресивни форми во атмосферата.
Иако „вселенската медуза“ може да изгледа мистично по својот изглед, таа е чисто научен и предвидлив феномен. Ваквите феномени претставуваат можност за едукација на јавноста за достигнувањата во областа на астронаутиката, посочувајќи дека зад секоја „натприродна“ глетка на небото стојат јасни физички и хемиски процеси.
Инаку, дека овој настан следеше по успешното лансирање на ракетата-носач „Сојуз-2.1б“ од космодромот Плесецк од страна на руските воздухопловни сили на 17 април.
За ова лансирање претходно објави „Роскосмос“, пренесе „Фарњуз“.
Видеото го сподели на „Инстаграм“ убзекистански фарњуз.
View this post on Instagram
