Хрватската полиција соопштио денеска дека уапсила 72-годишен државјанин на Хрватска и на Србија поради сомнеж дека во 1992 година извршил воено злостороство против цивилното население.
Како што се наведува, осомничениот на 21 јануари 1992 година во Подубина извршил воено злосторство на штета на цивил роден во 1964 година, за време на вооружен конфликт меѓу редовните единици на Хрватската армија и полицијата, како и единиците на Армијата на Република Српска Краина и паравоените формации, таканаречените Мартиќевци, објавува „Индекс“.
Од полицијата соопштија дека осомничениот на тој начин ги прекршил правилата на меѓународното право споре кои цилилното население и цивилните лица имаат заштита од опасност која произлегува од воени операции и не смеат да бидат мета на напади.
Според сомневањето на истражителите, осомничениот, како припадник на воената полиција во состав на војската на Република Српска, ја отклучил просторијата во која бил затворен оштетениот, по што физички го злоупотребувал. По неговото ослободување, му упатил сериозни закани.
По спроведената криминалистичка обработка, осомничениот е предаден во притвор, а до Окружното државно обвинителство во Риека е доставено дополнување на кривичната пријава.
ИЗДВОЕНИ
Пронајден e и лишен од слобода сторителот кој денеска опожари две возила пред Бугарската Амбасада/видео
Мегапонеделник за ЕУ, дежа ви за Македонија
Запалени две возила кај Амбасадата на Бугарија во Скопје
Македонците шокирани од цените на Јадранот, во Црна Гора лежалки 25 евра, во Хрватска за седум дена 3.700 евра
