Потпретседателот на САД, Џ.Д. Венс, рече дека Иран не го почитува меморандумот за разбирање и предупреди дека Соединетите Држави имаат право да „возвратат посилно од кога било досега“ ако иранските сили продолжат да напаѓаат трговски бродови.
„Основниот договор што го постигнавме беше дека ќе ја укинеме блокадата ако престанете да пукате по бродови. Но, ако продолжите да пукате по бродови, ќе возвратиме посилно од кога било досега. Тоа беше договорот. Тие рекоа дека ќе престанат да пукаат по бродови, а што се случи пред 24 часа? Повторно почнаа да пукаат по бродови“, рече Венс на настан во Милвоки.
„Договорот е многу едноставен: ако пукаат по бродови, ќе ги срамниме со земја. Толку е едноставно“, додаде тој.
На прашањето што се случува со војната со Иран, со оглед на новите закани на претседателот Доналд Трамп, Венс рече дека „претседателот има многу опции“ кога станува збор за неговата цел да го задржи Ормускиот теснец отворен.
„Секако дека нема да ви кажам точно што ќе се случи вечерва, но претседателот им стави до знаење дека Ормутскиот теснец ќе остане отворен. Тоа значи дека нафтата и гасот ќе продолжат да стигнуваат до американскиот народ“, рече тој.
„Доколку се обидат да го затворат, ќе има одговор од американската војска“, рече тој.
ИЗДВОЕНИ
Еврокомесарката Кос и премиерот Мицкоски со иста цел, но со различни патишта до Брисел
КОЛУМНА, ЗВОНКО ДАВИДОВИЌ: Демократија на „апарати“, од партиски штабови до дигитални септички јами
Домашната пченица стои непродадена, а увезуваме пченица и брашно со сомнителен квалитет
Сиљановска-Давкова: „Најсилна Европа е онаа што живее во мир и демократија, заснована на принципи и вредности“
