Американскиот претседател Доналд Трамп соопшти денеска дека Иран губи 500 милиони долари дневно поради американската блокада на Ормускиот теснец, истакнувајќи дека блокадата нема да престане се додека Вашингтон и Техеран не постигнат договор.
Во објавата на својата социјална мрежа „Трут соушал“ Трамп истакна дека, ако се читаат извештаите на медиумите за војната, се добива впечаток дека Соединетите Американски Држави губат“, додека, според него, ситуацијата е спротивна.
„Немаат повеќе противракетна ниту противавионска опрема. Повеќето лидери исто така ги нема што е, покрај се, и промена на режимот. Најважното од се, е дека блокадата нема да попушти додека не постигнеме договор, напиша американскиот претседател. Според Трамп, медиумите што ги наброја „навиваат Иран да победи“.
„Тоа нема да се случи, затоа што јас сум главен. Како што овие непатриоти ги користеа последните сили да се борат со мене за време на изборите, сега го прават тоа во ситуацијата со Иран. Резултатот ќе биде ист, а веќе и е“, рече Трамп.
