Претседателот на Соединетите Американски Држави, Доналд Трамп, изрази оптимизам за напредокот кон завршување на војната во Украина по телефонскиот разговор со рускиот претседател Владимир Путин.
Трамп рече дека разговорите за завршување на војната се „многу поблиску отколку што мислат луѓето“.
„Претседателот Путин исто така сака таа да заврши. Верувајте ми кога ви велам. Беше добар разговор. И претседателот Зеленски сака таа да заврши веднаш“, рече тој, осврнувајќи се на украинскиот претседател Володимир Зеленски за време на настан во Белата куќа во Вашингтон.
„Имав многу добар разговор и мислам… се приближуваме до тоа“, рече Трамп. Зборувајќи пред самитот на НАТО што започнува во вторник во Анкара, Трамп рече: „Ќе одиме во НАТО и ќе разговараме за тоа и мислам дека ќе го завршиме тоа. Мислам дека ќе го завршиме“.
Украина се брани од руска инвазија од февруари 2022 година. Неодамнешните големи руски ракетни напади одзедоа повеќе животи во Киев и други украински градови, бидејќи Украина го таргетира рускиот нафтен сектор и ги напаѓа врските меѓу Русија и Кримскиот полуостров, пренесува „Хина“.
ИЗДВОЕНИ
Д-р Борислав Калковалиев: Модерната хирургија може успешно да се развива и надвор од Скопје
Шпицот на сезоната ги „запали“ цените во Охрид, апартманите до 130 евра
Димитриеска-Кочоска: Буџетските приходи пораснаа за 8,6 отсто, јавните финансии се стабилни
КОЛУМНА, ГЕНЕРАЛ ГОРАНЧО КОТЕСКИ: НАТО-САМИТ ВО АНКАРА – ЌЕ СЕ ПОКАЖЕ ЕДИНСТВО ИЛИ УШТЕ ПОГОЛЕМ РАЗДОР?
