Том Круз е сигурно еден од најголемите актери во историјата кој не може да се пофали со Оскар. Сепак, наскоро тоа ќе се промени. Круз ќе добие почесен Оскар за животно дело.
Круз, сè уште не освоил Оскар за ниту еден од осумте делови од франшизата „Невозможна мисија“.
Во ноември, Круз ќе добие почесен Оскар на доделувањето на наградите „Гувернерс“.
Тој не е единствениот што ќе биде награден.
Тој ќе се појави на сцената заедно со сценографот Вин Томас и кореографката и актерка Деби Ален, објави Академијата за филмски уметности и науки.
На Доли Партон, пејачката и актерка, ќе ѝ биде врачена годишната хуманитарна награда за добротворна работа.
Почесните награди ги доделува одборот на Академијата за да се признае „извонредно животно достигнување“ во филмската индустрија или да се награди извонреден придонес во филмското творештво.
Почесните награди ќе бидат доделени многу пред главната церемонија на доделувањето на Оскарите во март и нема да има емитување на церемонијата.
Круз (62) првпат беше номиниран за Оскар во 1990 година за неговата улога во филмот „Роден на Четврти јули“. Оттогаш, тој доби уште три номинации.
