„Србијавоз“ ќе биде еден од првите предмети на истрага по промената на владата, порачаа српските студенти

Еден од првите предмети на истрага по промената на владата ќе биде „Србијавоз“, напиша на социјалните мрежи профилот на FTN se vuje.

„Една од првите истраги за финансиските текови на сметките на директорите на јавните претпријатија, како и нивната кривична одговорност, по промената на владата ќе ја вклучи „Србијавоз“. И така е“, се наведува во објавата.

„Србијавоз“ утрово објави дека железничкиот сообраќај е суспендиран низ целата земја без никакво објаснување.

Ова е четврти пат железничкиот сообраќај да биде суспендиран во Србија пред големите протестни собири организирани од студентите.

Во претходните случаи, официјалното објаснување беше дека имало извештаи за поставување експлозивни направи на железничката инфраструктура.