Во организација на Слоу-Фуд-Водно, во сабота, на 3-ти октомври, од 10:00 до 17:00 часот, до Фонтаната во Градскиот парк во Скопје ќе се одржи петтиот Фестивал на биодиверзитет со мотото „Сочувај го вкусот, сочувај ја традицијата“. Фестивалот е посветен на богатството на природата, зачувувањето на локалните сорти, традиционалното земјоделско наследство и поддршката на локалните производители.
Посетителите ќе имаат можност да ги запознаат производителите, да дегустираат локални производи и да дознаат повеќе за значењето на зачувувањето на биодиверзитетот и традиционалните земјоделски практики. Во фокусот на годинашното издание е скопскиот јабучар – стара и препознатлива локална сорта домат, карактеристична по својот автентичен вкус и значајна за традиционалната скопска градинарска култура. Токму преку ваквите примери фестивалот ја истакнува поврзаноста меѓу природното богатство, земјоделското наследство, културата и храната што ја имаме на трпезата.
На истата локација, ќе се одржи и “Ден на граѓанските организации“, во организација на Цивика-мобилитас, со дополнителни содржини и активности за граѓаните. За посетителите се подготвени интерактивни работилници, активности за млади, дебати и презентации, како и музичка програма со магионичарско шоу.
ИЗДВОЕНИ
Судење Лотарија: Cведок на Обвинителството стана сведок на одбраната, не потврди комуникација меѓу Груби и Бајрами
Ќе переме, ќе се бањаме и ќе готвиме евтин ручек и во сабота
Платформата „12.05“ го достави планот за промени во СДСМ: Се бара оставка од Филипче, нов Конгрес, ново раководство, нов идентитет на партијата…
ЈОВАНОВ БАРА ИЗЛЕЗ ОД КУЌЕН ПРИТВОР СО ШУПИ, ПЛЕВНА И НЕЛЕГАЛНИ ОБЈЕКТИ КАКО ГАРАНЦИЈА
