Сите зборуваат за Берлин, но најдобриот град за клубови е во Бугарија

Популарното туристичко списание „Time Out“, заедно со компанијата „Intrepid Travel“, направи листа на најдобри градови за ноќен живот.

Во анкетата учествуваа повеќе од 24.000 локални жители од целиот свет, кои ја оценија ноќната сцена во нивниот град – од коктел барови и чувство на заедница до прифатливи цени и уличен живот.

Сите овие податоци, заедно со оценките на експертите за ноќен живот на списанието „Time Out“, беа комбинирани од организаторите за да се рангираат светските престолнини на ноќниот живот.

Како дел од голема анкета, локалните жители беа прашани и кои активности во нивниот град се најдобри за ноќно излегување. Опциите вклучуваа сè, од рејв забави до доцноноќни барови и опуштени пабови.

„Сепак, кои градови сè уште гордо ги претставуваат добрите, старомодни ноќни клубови? Ние го имаме одговорот. Од сите 150 анкетирани градови, овие 20 дестинации добија највисоки оценки за клубови“, соопшти Time Auto.

Според резултатите од анкетата, главниот град на Бугарија е прогласен за најдобар град во светот за излегување во клубови. Софија е на врвот на листата, при што 72 проценти од анкетираните локални жители велат дека клупското живеење е најдоброто нешто во нивниот град по мрак.
Меделин и Лима го делат второто и третото место со 71 процент, додека Мајами е веднаш зад нив со 70 проценти.
Останатите од првите 10 се протегаат од Панама Сити и Ливерпул до Богота, Гвадалахара, Њукасл и Лас Вегас, покажувајќи дека денешните клупски престолнини одат многу подалеку од вообичаените големи градови како Берлин, кој често се смета за еден од најдобрите градови за клупско живеење.

Дваесет најдобри градови во светот за клупско играње:

Софија, Бугарија, Меделин, Колумбија, Лима, Перу, Мајами, САД, Панама Сити, Панама
Ливерпул, Велика Британија, Богота, Колумбија, Гвадалахара, Мексико
Њукасл, Велика Британија, Лас Вегас, САД, Најроби, Кенија, Букурешт, Романија, Јоханесбург, Јужна Африка, Мадрид, Шпанија, Мексико Сити, Мексико, Брајтон, Велика Британија, Акра, Гана, Сао Паоло, Бразил,
Кардиф, Велика Британија, Манчестер, Велика Британија
Интересно е што „Тајм аут“ неодамна објави листа на најдобри градови за ноќен живот, каде што Бангкок го освои првото место, додека Берлин и Њујорк беа на второто и третото место.