Шведската централна банка, Риксбанкен, препорача граѓаните да чуваат најмалку 1.000 шведски круни (нешто помалку од 100 евра) во готово по возрасен дома, наведувајќи ја моменталната „надворешна ситуација“ и можноста за прекини во системите за плаќање. Оваа сума треба да биде доволна за околу една недела основни потреби.
Сепак, Риксбанк забележува дека индивидуалните домаќинства треба да ја прилагодат сумата на сопствените потреби. „Ова е препорака. Таа се базира на пресметки од Шведската агенција за потрошувачи за тоа колку обично се троши за храна месечно“, изјави за SVT Nyheter првата заменик-гувернерка на Риксбанк, Аино Бунге.
Риксбанкен препорача граѓаните да чуваат најмалку 1.000 круни во готово по возрасен дома, како подготовка за можни кибернапади или други кризни ситуации што би можеле да ги оневозможат дигиталните системи за плаќање.
Покрај готовината, банката препорачува и можност за користење мобилни плаќања и платежни картички од различни издавачи. Риксбанк не постави ограничување за тоа колку готовина луѓето треба да имаат на располагање на своите сметки или на своите картички.
Банката ја нагласува важноста на различните опции за плаќање, вклучувајќи физички картички, мобилни плаќања и готовина.
Зголемена побарувачка за готовина во Шведска е веќе забележана по почетокот на руската инвазија на Украина во 2022 година, кога домаќинствата повлекоа невообичаено големи износи.
Риксбанк сега истакнува дека достапноста на повеќе методи на плаќање ја зголемува способноста на граѓаните да продолжат да купуваат потребни производи за време на привремени прекини, кризи, а во најлош случај и војна.
