Шеесет и шестгодишен кумановец почина на Клиниката за инфективни болести во Скопје од западнонилска треска, објави директорот Фадил Цана. Пациентот бил со коморбидитети, односно имал и други болести. Директорот Цана изјави дека 66-годишниот пациент бил 28 дена хоспитализиран на оваа клиника и бил со потешка клиничка слика.
Цана информираше дека досега биле хоспитализирани 66 пациенти, сега во моментов 11 се на Инфективна, од кои едно лице е во потешка состојба. Последен прием на лице со западнонилска треска на Инфективна е од 19 септември, односно овој викенд.
Последниот е деветти смртен случај на западнонилска треска во државава, а сите починати досега се мажи. На подрачјето на делови од Скопје и натаму е состојба на епидемија од вирусот кој го пренесува тигрестиот комарец.(П.А.)
ИЗДВОЕНИ
Презентирани активностите за заштитита и промоција на овој наш уникатен камен – македонскиот рубин
Газдата на „Пулс“ Дејан Јованов-Деко поднел гаранција во висина од 195 илјади евра во имот
Арктички бран во Европа: На Балканот и до 15 степени поладни денови и прв снег на планините!
УАПСЕНА БАНДА ОД ТЕТОВСКО: Провалиле во десетици домови, украле и сеф од 400 кг.
