Британскиот министер за одбрана Вес Стритинг, изјави дека Русија секојдневно спроведува непријателски активности против Обединетото Кралство, користејќи методи што потсетуваат на војување. Таквите постапки ги опиша како „тероризам под покровителство на државата“.
„Русија не тестира секој ден. Изразот „хибридни закани“ ја ублажува сериозноста на она што всушност се саботажи, целни атентати и практично државен тероризам“, рече Стритинг пред парламентарниот одбор за одбрана, предупредувајќи дека ситуацијата е крајно неизвесна.
Неговата изјава следи откако шефот на британската разузнавачка служба МИ5, Кен Мекалум, ја означи Русија како „агресор број еден“. Истакна дека операциите на агенцијата насочени против тероризмот и заканите што доаѓаат од странски држави денес се со речиси еднаков обем.
Според Мекалум, Русија води хибридна војна против Обединетото Кралство и другите европски земји, но избегнува потези што би можеле да предизвикаат заеднички одговор на НАТО. Предупреди дека Кремљ би направил огромна грешка кога би ја преминал таа граница.
Мекалум оценил дека Русија засега избегнува директен воен судир со Западот и наместо тоа се насочува кон дестабилизација на европските држави. Истовремено, руската инвазија на Украина и понатаму остварува минимален напредок со огромни човечки и материјални загуби.
