Погодена една од најголемите руски рафинерии!/ВИДЕО

Руска рафинерија за нафта во Рјазањ синоќа беше цел на украински беспилотни летала, а на социјалните мрежи се појавија снимки од силни експлозии и пожари во индустриската зона.

Според каналот на „Телеграм“ – „Exilenova+“, беспилотните летала успеале да стигнат до локацијата на еден од најголемите руски капацитети за преработка на нафта, пренесува „Киев индепендент“ (The Kyiv Independent).

На видеата објавени онлајн се гледа како руската противвоздушна одбрана се обидува да ги пресретне беспилотните летала, по што следи силна експлозија и блесок на ноќното небо. На други снимки се гледаат големи пламени јазици и облаци чад што се издигаат над рафинеријата. Сепак, „Киев индепендент“ сè уште не успеа независно да ја потврди автентичноста на снимките, ниту пак обемот на евентуалната штета на објектот.

In Russia, the Ryazan oil refinery is burning after a drone attack.

Part of Rosneft, it is one of Russia's largest oil processing facilities, with an annual capacity of around 17-18 million tonnes of crude oil.

The plant produces gasoline, diesel, fuel oil, bitumen, and jet… pic.twitter.com/yRQ91uvpc1

— Anton Gerashchenko (@Gerashchenko_en) November 5, 2026

Павел Малков, гувернерот на Рјазањската област, потврди дека подрачјето било цел на интензивен напад со беспилотни летала. Тој изјави дека избувнале пожари на неколку индустриски локации, а остатоци од соборените беспилотни летала предизвикале материјална штета на повеќе места.

Нападот влијаел и врз урбаната инфраструктура. Оштетувањето на далноводите остави делови од Рјазањ без електрична енергија, додека во училиштето бр. 58 биле искршени прозорците, што довело до откажување на наставата. Пријавени се и оштетувања на станбени згради во Рјазањскиот округ, а во Рибновскиот округ избувнал пожар во објект што не е станбен.

russian refineries are going up in flames at an unprecedented rate.

🔥 Today, the Ryazan Oil Refinery is burning.

That's six russian refineries hit in just one week. pic.twitter.com/9gkgce2mkO

— UAVoyager🇺🇦 (@CrimeanVoyager) November 5, 2026

Според информациите од гувернерот, едно лице е повредено во нападот и му била укажана медицинска помош. Сепак, Малков не прецизираше кои индустриски капацитети биле погодени, ниту пак потврди дали меѓу нив е и рафинеријата.

Со објектот во Рјазањ управува државната компанија „Росњефт“, а тој има годишен капацитет за преработка од приближно 17 милиони тони сурова нафта. Рафинеријата, која се наоѓа на околу 500 километри од украинската граница, произведува бензин, дизел, гориво за авиони и други нафтени деривати.

Ukrainian drones struck Russia’s Ryazan oil refinery, one of the country’s largest, and a major Wildberries logistics hub overnight on Nov. 5, sparking fires at both sites.

The attacks damaged power lines, caused outages and injured one person. pic.twitter.com/OXNu2rSZVL

— Clash Report (@clashreport) November 5, 2026

Ова не е првпат објектот да биде цел на украинските сили. По нападот на 15 октомври, рафинеријата – според „Ројтерс“, кој се повикува на извори од нафтената индустрија – наводно го запрела работењето на една од своите главни единици за дестилација на сурова нафта. Во последните месеци, Украина ги зачести нападите врз руските енергетски постројки, со цел да го попречи снабдувањето со гориво и да ги намали приходите што Москва ги користи за финансирање на војната.