Патници на лет на „Делта Ерлајнс“ сведочеа на историска глетка: Патот на ракетата на „Артемис 2“ низ авионското прозорче/ВИДЕО

Пилот на авион среде лет ги повика патниците да „погледнат низ прозорецот“ и тие биле сведоци на историски момент.

По повеќе од 50 години, човештвото повторно се упатува кон Месечината. Мисијата „Артемис II“ го означува првото патување со екипаж до Месечината на Земјата од 1972 година. Ракетата е лансирана од Кејп Канаверал, Флорида, отворајќи ново поглавје во истражувањето на вселената.

Видеото од лансирањето, кое е снимено на прилично необична локација, во патнички авион, привлече особено внимание од јавноста. Патник го забележал моментот низ прозорецот на авионот на Делта Ерлајнс кога ракетата висока речиси 100 метри се вивнала во небото. Видеото, објавено на TikTok, го прикажува светлечкиот млаз на моторот и долгата линија на пареа што ракетата ја остава зад себе додека достигнува огромни брзини. Токму поради единствената перспектива, видеото брзо стана вирално, објавува Nova.rs.

Од висината на авионот, јасно можеше да се види и закривената траекторија на ракетата. Таквото движење не е случајно, бидејќи вселенските летала го користат за поефикасно забрзување и потрошувачка на помалку гориво со помош на Земјината гравитација.

Соборување на рекордот за растојание од Земјата
Астронаутите на мисијата „Артемис II“: Рид Вајзман, Виктор Гловер, Кристина Кох и Џереми Јенсен поставија нов рекорд во истражувањето на вселената. Иако екипажот не слета на површината на Месечината, мисијата е сепак од огромно значење.

За време на летот, астронаутите достигнаа рекордно растојание од Земјата, повеќе од 406.000 километри, што ги прави најоддалечените луѓе што патувале од нашата планета.

Мисијата „Артемис II“ претставува клучен чекор кон идните слетувања на Месечината и долгорочните планови што вклучуваат човечки мисии на Марс.

@katiemccuistion Artemis II #Delta #astronauts #moon #artemisII @dinkasink ♬ Outro – M83