Неуспешното погубување откри речиси сè – освен едно: Каде е Криста Пајк?

Денес се познати речиси сите околности поврзани со неуспешниот обид за извршување на смртната казна врз Криста Пајк. Познато е кога требало да се изврши погубувањето, кои супстанции ѝ биле дадени, што се случувало во просторијата за погубување и што слушнале присутните новинари; исто така е познато дека таа останала жива по двете дози пентобарбитал и потоа била префрлена во болница.

Сепак, постои еден детал што досега не успеаја да го откријат ниту американските, ниту меѓународните медиуми: во која болница се наоѓа Криста Пајк.

Официјалното соопштение од Одделот за поправни установи на Тенеси потврдува само дека Пајк била „пренесена во медицинска установа надвор од затворот“. Не беа обелоденети ниту името на установата, ниту градот или локацијата каде што се наоѓа. Нејзините адвокати исто така изјавија дека таа се наоѓа во блиска болница, но дека во моментот на нивното јавно обраќање сè уште не биле информирани за нејзината здравствена состојба.

Американските и меѓународните медиуми објавија бројни детали за настаните во затворот „Ривербенд“ во Нешвил. Сведоците опишаа како, по првата и втората доза од лекот, Пајк продолжила да дише и да ги движи главата и нозете; во еден момент, таа дури почнала и да ‘рчи. Завесата во просторијата за погубување била затворена, а потоа повторно отворена додека сведоците сè уште можеле да го слушнат нејзиното дишење. На крајот, тие ја напуштиле просторијата, а Пајк била однесена со возило на брза помош.

Во еден момент, дури и нејзиниот правен тим имаше многу малку информации. Нејзините адвокати изјавија дека Пајк е префрлена во болница, но дека не добиле никакви информации за нејзината состојба. Ројтерс исто така објави дека нејзиниот статус останува нејасен, додека властите го потврдија само префрлањето во болница.

Во меѓувреме, случајот привлече меѓународно внимание. „Вашингтон пост“ известува дека Пајк продолжила да дише речиси еден час по примањето на двете дози смртоносни лекови, додека нејзиниот правен тим наведе дека по неуспешното погубување започнала итна медицинска интервенција. Она што дополнително привлекува внимание е фактот дека информациите за нејзината локација завршуваат со фразата „блиска болница“ или „медицинска установа надвор од затворот“. Името на болницата не е обелоденето.