Во организација на „Прв до врв“, а со поддршка на Општина Центар, првпат ќе се одржи урбан спортски настан, ноќна урбана трка – „Центар најт ран“.
Овој настан, кој ќе се одржи на 12 септември 2026 година, првпат ќе ги поврзе најпрепознатливите улици и простори на Општина Центар во едно уникатно доживување.
– Со старт во 19:00 часот, кога добива градот поинаква енергија, учесниците ќе трчаат низ Дебар Маало и низ централното градско подрачје, во атмосфера исполнета со публика, музика и урбан живот. Без разлика дали ќе ја одберете трката на пет километри или полумаратонот, „Центар најт ран“ е создаден за сите оние што сакаат да го доживеат градот од поинаква перспектива – велат организаторите.
Пријавувањето трае до 2 септември 2026 година.
