Непријатна ситуација за Путин: Гостин му „очита“ лекција среде Кремљ/ВИДЕО

Рускиот претседател Владимир Путин се најде во незгодна позиција за време на состанокот во Кремљ откако ерменскиот премиер Никол Пашинјан зборуваше за важноста на слободните избори и неограничениот пристап до социјалните медиуми.

За време на состанокот, Пашинјан нагласи дека Ерменија е демократска земја во која редовно се одржуваат избори, со активно учество на граѓаните кои слободно одлучуваат за политичките опции.

Додека ги искажуваше овие ставови, Путин, според снимката, се чувствуваше непријатно: погледна надолу, ги движеше нозете и нервозно се движеше со рацете.

Armenian Prime Minister Nikol Pashinyan mocks Putin

During a meeting with Putin at the Kremlin, the Armenian premier stated,

“Armenia is a democratic country […] there are citizens who think there is too much democracy in Armenia. Our social networks, for example, are 100%… pic.twitter.com/l4JipAHSz4

— Visegrád 24 (@visegrad24) April 1, 2026

Пашијан додаде дека претстојат парламентарни избори кои треба дополнително да ја зајакнат демократијата и владеењето на народот во Ерменија, а неговата изјава дека социјалните медиуми во таа земја се целосно слободни, без никакви ограничувања, што многумина ја протолкуваа како индиректна критика кон Русија, каде што тоа не е случај, привлече особено внимание.

Имено, Русија во последните месеци се соочува со обвинувања за зголемена контрола врз интернетот и ограничување на пристапот до мрежите. По усвојувањето на закон што им дозволува на властите да го исклучат интернетот доколку е потребно, беа регистрирани прекини на мрежата во големите градови. Критичарите велат дека тоа ја потиснува опозицијата, тврдење што Кремљ го негира.

Путин, кој е на власт повеќе од две децении, беше реизбран во 2024 година со 87 проценти од гласовите, но аналитичарите предупредуваат дека опозицијата работи под ограничени услови, со чести притисоци и апсења.