Четири децении по градбата, комплетно се реконструира градскиот базен во Кавадарци. Градоначалникот на Општина Кавадарци, Митко Јанчев, најави дека напредуваат активностите за реновирање на базенот и посочи повеќе интересни содржини во самиот комплекс.
– Инвестицијата е околу 800 илјади евра, поддржана од Владата со унгарскиот заем. Очекуваме до 15 јуни да го отвориме реконструираниот и доизграден базен. Мислам дека во регионот, а и пошироко, ќе имаме еден од најдобрите и најмодерни базени – нагласи Јанчев.
Базенот ќе има комплетно нови плочки, нов пумпен систем за вода и филтри. На дел од големиот базен ќе се постават и тобогани, а другиот дел ќе остане рекреативен. Во малиот детски базен ќе се постават детски реквизити за водните лудории на децата, а во партерот ќе има и детско игралиште на гумена подлога.
Комплетно ќе бидат реновирани тоалетите, соблекувалните, тушевите, партерот околу целиот базен, собата за доктор, влезните партии, ќе има нов покрив на постојните шанкови, лежалки и сè што е дополнително потребно да функционира градскиот базен како забавен воден парк, и за младите и за постарите.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
