Целата територија на Македонија денеска влегува во портокалова алертна фаза поради екстремно високи температури.
Метеоролозите предупредуваат на опасен бран горештини кој ќе донесе температури и над 40 степени Целзиусови. Според најавите на Управата за хидрометеоролошки работи денеска и утре не очекува сончево и многу топло време со мала до умерена облачност.
Поради портокаловата фаза, избегнувајте престој на отворено во најтоплиот период од денот и почитувајте ги препораките на лекарите.
Пресврт од недела
Сепак, стабилното и пеколно топло време нема да трае долго. Веќе од недела, во попладневните часови, следува нагла промена на синоптичката состојба. Метеоролозите најавуваат локална нестабилност проследена со пороен дожд и силни грмежи, како и засилен ветер во повеќе региони. Можна е и појава на град, предупредуваат од УХМР.
