Мафини со лимон кои ќе ве освојат од првиот залак

Ако сакате лесни и освежителни десерти, овие мафини со лимон се вистинскиот избор. Меки, мирисни и полни со свежа цитрусна арома, а подготовката е толку едноставна што ќе успее и на почетници.

Состојки:

2 јајца
150 г шеќер
100 мл масло
120 мл млеко
Рендана кора од 2 лимона
Сок од 1 лимон
250 г бело брашно
1 прашок за печиво
Прстофат сол
1 лажичка екстракт од ванила (по желба)

За глазурата (по желба):

150 г шеќер во прав
2 до 3 лажици сок од лимон

Подготовка:

Загрејте ја рерната на 180 степени и подгответе калап за мафини со хартиени корпички.

Изматете ги јајцата и шеќерот додека смесата не стане светла и пенеста. Додадете ги маслото, млекото, сокот и ренданата кора од лимон, како и ванилата, па кратко промешајте.

Во друг сад измешајте ги брашното, прашокот за печиво и солта. Постепено додавајте ги сувите состојки во течната смеса и нежно соединете ги. Не мешајте предолго, за мафините да останат меки и воздушести.

Наполнете ги калапите до две третини и печете 20 до 25 минути, односно додека чепкалката забодена во средината не излезе сува.

Оставете ги мафините да се изладат околу десет минути. По желба, прелијте ги со глазура од шеќер во прав и сок од лимон или едноставно посипете ги со шеќер во прав.

Совет:

За уште поинтензивен вкус, во смесата можете да додадете една лажица афион или неколку свежи боровинки. Мафините ќе останат свежи и сочни два до три дена доколку ги чувате во добро затворен сад.