Имиња, термини за состаноци, купувања и други чувствителни податоци би можеле да станат достапни за време на повиците до лица за кои корисникот можеби и не е свесен дека учествуваат во разговорот.
Како што пренесе Ројтерс, Мета ја тестира можноста човечки оператори да преземат дел од телефонските повици што ги води нејзиниот нов асистент со вештачка интелигенција, „Мјуз“, во име на корисниците.
Повикувајќи се на внатрешна комуникација во компанијата, агенцијата наведува дека „Мјуз“ може да го препрати барањето на корисникот до обучен човечки оператор, кој потоа го остварува повикот и ја завршува задачата.
Функцијата беше овозможена минатата недела за околу половина од вработените во Мета, при што постои и опција за откажување од учество во програмата.
Некои вработени изразија загриженост за приватноста, бидејќи чувствителните податоци би можеле ненамерно да станат достапни за операторите во кол-центрите.
Од Мета изјавија дека целта на тестирањето е да се соберат повратни информации и да се подобрат заштитните мерки за безбедност и приватност пред евентуалното јавно пуштање на функцијата во употреба.
„Мјуз“ беше лансиран на 8 септември и, според податоците на Sensor Tower, во рок од две недели беше преземен повеќе од 2,5 милиони пати во САД. Асистентот со вештачка интелигенција може самостојно да испраќа е-пораки, да врши купувања и да резервира патувања, додека функцијата за телефонски повици овозможува, меѓу другото, закажување состаноци и проверка на достапноста на производите.
