Израел воведува смртна казна за Палестинците – Бен Гвир тргна да прослави со шампањско, но го спречија/ВИДЕО

Израелскиот парламент одобри контроверзен закон за повторно воведување на смртна казна за терористи, за кој критичарите велат дека е расистички бидејќи практично би се однесувал само на Палестинците, објави новинската агенција ДПА.

Организациите за човекови права и неколку европски земји побараа иницијативата да се запре. Според законот, Палестинците осудени од воени судови на окупираните територии за убиство извршено како терористички чин би добиле задолжителна смртна казна.

Доживотен затвор во Израел
Во меѓувреме, во цивилните судови во Израел, лице осудено за убиство со терористички мотив и цел уништување на Државата Израел, според законот, би можело да биде осудено на смртна казна или на доживотен затвор.

Законот го поднесе крајно десничарската партија Оцма Јехудит на министерот за национална безбедност Итамар Бен-Гвир, кој донесе шампањ во парламентот за да ја прослави одлуката, но беше спречен во тоа од парламентарното обезбедување.

Законот беше поддржан од 62 од 120 членови на Кнесетот на конечното гласање, вклучувајќи го и премиерот Бенјамин Нетанјаху. 48 членови гласаа против него, додека останатите се воздржаа или не беа присутни на гласањето.

⚡️🚨 BREAKING: The Israeli Knesset approves in three readings the law of “executing Palestinian prisoners”

Ben Gvir tried to open a champagne bottle in the Knesset hall to celebrate the approval of the death penalty law for Palestinian prisoners, but the Knesset guards did not… pic.twitter.com/0bmaSbvHyP

— Middle East Observer (@ME_Observer_) March 30, 2026