Инцидент во Германија: Крузер се судри со два контејнерски брода/ВИДЕО

Крузер се судри со два контејнерски брода за време на невреме во германското пристаниште Бремерхафен, а според првичните информации, нема повредени, објави денеска весникот „Дер Шпигел“.

Од полицијата изјавија дека до несреќата дошло додека бродот испловувал од пристаништето.

Првично беше објавено дека во судирот учествувале крузерот „Mein Schiff 3“ и еден контејнерски брод, но полицијата подоцна појасни дека во инцидентот биле вклучени вкупно три пловни објекти.

Die „Mein Schiff 3“ kollidiert beim Auslaufen in Bremerhaven mit einem Containerschiff. Aufnahmen zeigen die Wucht des Zusammenstoßes; mehrere Rettungsboote wurden offenbar beschädigt. Nach bisherigen Berichten gab es keine Verletzten. Die Unfallursache muss untersucht werden.… pic.twitter.com/SsctfTNqHX

— Paro. Karl Kautabak (@KarlKautabak) October 25, 2026

Компанијата „TUI Cruises“ потврди дека се случила несреќата, иако портпарол наведе дека бродот се судрил со само еден контејнерски брод.

По судирот, крузерот се вратил на пристаништето, каде што во моментов се проценува обемот на оштетувањата. Во моментот на несреќата, на бродот имало 2.428 патници и 922 членови на екипажот, но никој не е повреден.

Засега, сите патници можат да останат на бродот, додека експерти се на терен и ја проценуваат ситуацијата.

Според полицијата, обемот на штетата и причината за несреќата сè уште не се познати, а започната е истрага за инцидентот.