Хантавирусот ги привлече насловните страници уште лани: Од него починала сопругата на Џин Хекман

Редок сој на хантавирус, за кој е познато дека се шири меѓу луѓето преку близок контакт, е пронајден кај пациенти поврзани со епидемија на холандски крузер. Еден патник, за кого здравствените власти на Јужна Африка велат дека бил заразен со вирусот, починал, додека причината за смртта на другите две лица сè уште е под истрага. Светската здравствена организација (СЗО) претпоставува дека вирусот, кој обично го пренесуваат глодари, се шири преку близок контакт меѓу луѓето. Сега кога е потврден сојот од Андите, патниците и екипажот на бродот мора да одржуваат социјално дистанцирање, како што беше случај за време на пандемијата КОВИД-19. Бродот „МВ Хондиус“ бил на крстарење од Аргентина преку Атлантикот до Капо Верде.

Случај на хантавирус ги привлече насловните страници во САД во 2025 година, откако обдукцијата откри дека Бетси Аракава, сопругата на актерот Џин Хекман, починала од вирусот. Неколку мртви глодари и нивните живеалишта се пронајдени во близина на домот каде што беа пронајдени мртви актерот добитник на Оскар, Џин Хакман, и неговата сопруга Бетси Аракава.

Документите на Одделот за јавно здравје на Ново Мексико, што ги виде BBC News, покажуваат дека имало докази за глодари во осум различни објекти на нивниот имот во Санта Фе.

Американските власти претходно потврдија дека 53-годишната Аракава починала од респираторна болест поврзана со хантавирус, кој го шират глодари.

Се верува дека починала една недела пред нејзиниот сопруг, 95-годишниот Џин Хакман, кој страдал од Алцхајмерова болест. Властите ги пронајдоа телата во нивниот дом во февруари 2025 година. Еколошката проценка на имотот беше спроведена на 5 март, една недела откако беа пронајдени, како дел од истрагата за нивната смрт.

Во таа прилика, измет од глодари, еден жив глодар, еден мртов глодар, беше откриен во три гаражи, како и дополнителни траги од глодари во две мали помошни куќи и три бараки.