Годишната стапка на инфлација во Грција е најниско ниво за пет месеци

Годишната стапка на инфлација во Грција се забавува на 3,4 проценти во јули, што е најниско ниво за пет месеци, покажаа денес податоците од Грчкиот статистички завод (ЕЛСТАТ).

Најголемиот фактор за забавување на инфлацијата беше благиот пораст на цените на домувањето и комуналните услуги, кои се зголемија за 8,8 проценти на годишно ниво, во споредба со 10,6 проценти во јуни.

Цените на храната и безалкохолните пијалоци, исто така, значително се забавија, од 2,7 проценти во јуни на 0,4 проценти.

Помал раст на цените е забележан и во секторот ресторани и хотели, каде што инфлацијата се забави од 7,7 проценти на 5,8 проценти, како и во категориите рекреација и култура од 1,7 проценти на 1,3 проценти и мебел и опрема за домаќинство од 0,5 проценти на 0,4 проценти.

Спротивно на тоа, растот на цените се забрза во транспортниот сектор, од 7,2 проценти на 7,4 проценти, како и во облеката и обувките, каде што инфлацијата се зголеми од 0,5 проценти на 3,3 проценти.

Инфлацијата во здравството остана непроменета на 1,1 процент, додека цените на образованието продолжија да растат со стапка од 2,8 проценти, забележа ЕЛСТАТ на својата веб-страница.

На месечна основа, потрошувачките цени во Грција се намалија за 1,4 проценти во споредба со јуни, откако останаа стабилни во претходниот месец, пренесе „Танјуг“.