Членовите на Европскиот парламент повторно ќе разговараат за гласањето недоверба против претседателката на Европската комисија, Урсула фон дер Лајен.
Тие ќе го сторат тоа на барање на парламентарната група „Патриоти за Европа“, поради трговскиот договор со земјите од Латинска Америка.
Гласањето, за кое се верува дека ќе биде неуспешно, е закажано за четврток.
Урсула фон дер Лајен одлучи да не присуствува на дебатата за гласање недоверба, но ќе биде претставувана од европскиот комесар за трговија, Марош Шефчович, пишува порталот „Политико“.
За време на претходните предлози за гласање недоверба, Урсула фон дер Лајен и нејзините 26 комесари беа присутни во Европскиот парламент за да покажат единство.
Овој пат пораката е поинаква и Европската комисија „веќе не игра“, бидејќи овој инструмент на парламентарна борба веќе беше употребен три пати минатата година и сите три пати не успеа.
ИЗДВОЕНИ
Не се од Буџетот, од Државна лотарија се – 5 и пол милиони евра за „Силно светнал ден“
„Ниту еден обвинет не смее да биде спасен од бавноста на системот“, порачаа родителите
Андреа Серафимовски за весникот ВЕЧЕР: Македонците повеќе инвестираат во станови отколку во банки, но многу од нив се празни
Симптомите на западнонилската треска може да траат и до два месеца
