Иранскиот министер за надворешни работи Абас Аракчи денеска ги предупреди САД и Израел да не започнуваат нови воени операции против Иран, порачувајќи дека секој таков обид ќе заврши со „неуспех“.
Говорејќи на маргините на состанокот на министрите за надворешни работи на БРИКС во Њу Делхи, Аракчи изјави дека заканите кон Иран траат со години, но според него, не донеле резултати.
-Навикнати сме на тие закани. Тие долго време ги повторуваат своите закани во различни форми, но и самите знаат дека ништо не постигнале – рече Аракчи.
Шефот на иранската дипломатија нагласи дека според Техеран „не постои воено решение“ за прашањата поврзани со Иран и додаде дека земјата нема да попушти под притисок.
Тој оцени дека Иран и во претходните конфликти покажал отпор и излегол посилен.
Аракчи ги обвини и Обединетите Арапски Емирати дека во регионалните конфликти застанале на страната на Вашингтон, тврдејќи дека американските сили користеле бази во земјите од Персискиот Залив за операции против Иран.
Според него, безбедноста на регионот не треба да зависи од странски сили, туку од соработка меѓу соседните држави.
ИЗДВОЕНИ
Утврдени траги од судијата Ристов на фолиите во кои беа завиткани 350 илјади евра
Граѓаните сами ќе избираат дали ќе одат во пензија на 62 или ќе работат до 73 години
До 20.000 евра за сопствен бизнис, но дали тоа ќе ги задржи младите дома?
14 годишно момче избодено со нож во населбата Ченто, семејството бара пронаоѓање на напаѓачите
