Аларм во Велика Британија поради епидемија на менингитис – стотици студенти чекаат на ред за антибиотици по смртта на двајца млади

Студент на Универзитетот во Кент и средношколец починаа од менингитис во епидемија што се прошири низ регионот Кантербери во Велика Британија, додека 11 други се во критична состојба во болница. Агенцијата за здравствена безбедност на Велика Британија (UKHSA) соопшти дека 13 случаи на знаци и симптоми на менингитис и сепса се пријавени во регионот Кантербери помеѓу петок и недела.

Како што објави „Скај њуз“, се проценува дека повеќето од хоспитализираните со менингитис се на возраст меѓу 18 и 21 година, а некои се студенти.

Стотици студенти денес чекаат на ред на Универзитетот во Кент во Велика Британија за да добијат антибиотици откако две лица починаа во епидемија на менингитис, објави Би-би-си“.

Смртта на ученик од 13-то одделение во Гимназијата „Кралица Елизабета“ во Фејвершам беше потврдена од локален пратеник во понеделник. Другиот починат беше студент на Универзитетот во Кент, објави „Би-би-си“.

Здравствените работници организираат на некои други ученици во областа да им се дадат антибиотици како мерка на претпазливост против опасната инфекција.

Hundreds of people are queuing for antibiotics at the University of Kent after two people died during a meningitis outbreak in the Canterbury area. One man in the queue told Sky’s @emmabirchley that his sister has been hospitalised with suspected meningitis. pic.twitter.com/vRN0HvY6Pe

— Sky News (@SkyNews) March 16, 2026

Агенцијата за безбедност на здравјето на Велика Британија (UKHSA) соопшти дека контактирала со повеќе од 30.000 студенти, персонал и нивните семејства за да ги информира за епидемијата, а на жителите на одредени студентски сместувачки блокови им е кажано веднаш да почнат да земаат антибиотици.

Појавата се истражува како поврзана со општествен настан во Кантербери на кој присуствувале некои од пациентите. Сите случаи на менингитис се откриени во последните два дена, пренесе „Танјуг“.

Што е менингитис и „инвазивен“ менингитис?

Менингитисот е инфекција на заштитните мембрани што го опкружуваат мозокот и ‘рбетниот мозок.

Може да се појави кај секого, но е најчест кај бебиња, мали деца, тинејџери и млади возрасни. Може да биде многу сериозен ако не се лекува брзо.

Инфекцијата е предизвикана од одредени бактерии или вируси, кои можат да се идентификуваат со тестови.

Бактерискиот менингитис е поредок, но посериозен од вирусниот менингитис. Може да доведе до сепса и може да го оштети мозокот.

Оваа акутна и тешка инфекција е позната како инвазивен менингитис. Ова значи дека инфекцијата се проширила во крвотокот или мембраните што го покриваат мозокот.

Специфичниот сој на менингитис сè уште не е идентификуван.