По повод одржувањето на културната манифестација „Бела ноќ 2026“, која ќе се одржи утре, ЈСП „Скопје“ ги известува граѓаните дека ќе обезбеди бесплатен јавен превоз.
Предвидено е манифестацијата да почне утре, во 18:00 часот, а да заврши в недела, во 3:00 часот.
– Бесплатниот превоз се обезбедува со цел да се овозможи непречено присуство на граѓаните на манифестацијата и нивно навремено враќање по завршувањето на програмата – соопштија од ЈСП.
Од претпријатието ги повикуваат граѓаните да го користат јавниот превоз за пристигнување и за враќање од настанот.
Во рамките на манифестацијата „Бела ноќ“, утре и влезот во скопската Зоолошка градина ќе биде бесплатен за сите посетители.
– Ве очекуваме од 9:00 до 17:00 часот, да уживаме заедно во еден поинаков ден во Зоолошката градина Скопје – велат од управата на оваа институција.
ИЗДВОЕНИ
Европа ги „лови“ шоферите, Македонија преговара да се заобиколи правилото 90/180
Фон дер Лајен пресече: Прво деблокада со Софија, па патоказ за Скопје!
Судење Лотарија: Cведок на Обвинителството стана сведок на одбраната, не потврди комуникација меѓу Груби и Бајрами
Ќе переме, ќе се бањаме и ќе готвиме евтин ручек и во сабота
