Непалските власти обвинија група водичи за труење на планинари пред да се искачат на Монт Еверест за да соберат околу 20 милиони долари од скапи мисии за спасување со хеликоптери, објави „Катманду пост“.
Според новата полициска истрага, труењето на планинарите било искористено за извршување осигурителна измама вредна речиси 20 милиони долари.
Полицијата обвини 32 лица за измама и организиран криминал, вклучувајќи сопственици на компании за планинарење, компании за услуги со хеликоптери и болнички службеници.
Според „Катманду пост“, водичите наводно ги труеле туристите ставајќи сода бикарбона во нивната храна за да предизвикаат гадење слично на симптоми на труење со храна или висинска болест.
Откако се чувствувале лошо, планинарите биле под притисок да се јават во служба за хеликоптери, чии услуги се многу скапи и чии оператори издавале лажни медицински документи по високи цени. Дополнително, водичите ги советувале планинарите да пијат многу вода во овие ситуации, што само ги влошувало симптомите.
Заработката наводно се делела меѓу водичите, компаниите, агенциите и болниците каде што туристите биле носени на непотребен и лажен третман. Истрагата беше започната во јануари.
Обвинителството бара пресуда со казни во вкупен износ од 11,3 милиони долари.
ИЗДВОЕНИ
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
Правецот е европски, патеките различни – ова не е спринт, туку маратон
ДОНИРАЊЕТО НА ОРГАНИТЕ ПОВТОРНО СПАСУВА ЖИВОТИ: Во градите на 52-годишен пациент чука ново срце, младич доби бубрег
Ќе се извалка ли образот на експотпретседателот на СДСМ со чистењето од 300 илјади евра?
