Во Велика Британија е уапсен маж откако пред два месеци му се закани дека ќе го убие Најџел Фараж, лидерот на крајно десничарската партија „Реформа Велика Британија“, соопшти денес лондонската полиција.
Апсењето доаѓа во услови на растечка загриженост за безбедноста на политичарите откако Ен Видикомб, поранешна пратеничка од Конзервативната партија, а подоцна и портпаролка на „Реформа Велика Британија“, беше убиена во својот дом во јужна Англија на 8 јули.
Лондонската метрополитенска полиција соопшти дека во вторник е уапсен маж под сомнение дека испратил заканувачка порака до пратеник.
„Ќе ти пукам во глава ако победиш“, наводно му пишал осомничениот на Најџел Фараж на „Икс“, објави весникот „Телеграф“.
Полицијата соопшти дека осомничениот поминал една ноќ во притвор пред да биде ослободен со кауција.
Убиството на Ен Видикомб, членка на „Реформа Велика Британија“, ја поттикна антиимиграциската партија да побара подобра заштита за своите членови.
ИЗДВОЕНИ
„Ги знаела процедурите, но ги знаела и шемите за продажба на бебиња“ – 8 години затвор за посредничката
Стевче Јакимовски доброволно замина на отслужување на затворската казна од шест и пол месеци
Потврдена пресудата доживотен затвор за убијците на Вања и Панче
Уапсен брачен пар од Скопје, мажот девет пати му забил нож во градите
