Во пресрет на пролетната сезона, Општина Ѓорче Петров започна засилена и координирана акција за уредување, разубавување и системско одржување на јавните површини на целата територија на општината.
– Интензивно сe кастрат дрвјата и живата ограда, со цел подобрување на безбедноста и зачувување на зеленилото, се расчистуваат гранки и зелен отпад, темелно се чиста тротоари, рабници и пешачки зони, а се уредуваат и паркови, детски игралишта и меѓублоковски простори – соопштија од Општина Ѓорче Петров.
Оттаму нагласуваат дека активностите се дел од поширока стратегија за унапредување на урбаната хигиена, зголемување на безбедноста и подобрување на квалитетот на живот на граѓаните.
– Со овие активности се создава почиста, побезбедна и поуредена животна средина, а истовремено се поставуваат основи за понатамошни инфраструктурни и еколошки интервенции во текот на годината – велат од локалната самоуправа, најавувајќи дека во наредниот период, активностите ќе се интензивираат и ќе опфатат дополнителни локации, согласно утврдениот план.
Од Општината сметаат дека грижата за јавниот простор не е еднократна активност, туку долгорочна и системска обврска кон сите граѓани.
ИЗДВОЕНИ
Тошковски откри детали: Имало пријава за расправија неколку часа пред трагедијата во Карпош – 10 пријави против сопругот во изминатите две години
Наместо статус „професионални возачи“, македонските шофери ќе вадат Д-визи за престој во Шенген
Затворено небо, неизвесно враќање: 473 македонски државјани побарале помош во загрозените подрачја во Тел Авив, Доха и Абу Даби
Полицајците обвинети дека замижувале на работата на “Пулс” не се чувствуваат виновни
