Речиси 70 тони небезбедна храна биле уништени во Македонија во првите осум месеци од 2026 година, додека увозот на над 21 тон храна од неживотинско потекло бил забранет. Истовремено, во земјите на потекло биле вратени повеќе од 122 тони производи од животинско потекло, соопшти Агенцијата за храна и ветеринарство (АХВ). Директорот на АХВ, Оливер Миланов, информира дека од јануари до август биле спроведени вкупно 74.838 инспекциски надзори во домашниот промет и при увозот на храна.
При контролите биле уништени 69.776 килограми небезбедна храна, а биле вратени пратки со вкупна тежина од 122.602 килограми производи од животинско потекло. Во истиот период, преку Одделението за заштита на потрошувачите биле поднесени повеќе од илјада иницијативи за инспекциски надзор. Најголем дел се однесувале на здравствената заштита и благосостојбата на животните.
Од АХВ посочуваат дека контролите, превентивните активности и едукацијата се клучни за заштита на здравјето на граѓаните и зајакнување на довербата на потрошувачите.
ИЗДВОЕНИ
Брзата пруга почнува напролет, нова линија кон Бугарија за 6 години
„Мој термин“ работи, ама нема кој да ги прегледа пациентите
Деветнаесет години без Тоше, но засекогаш со неговата музика, љубов и порака: „Ве сакам сите“
Во ритамот на светската џез сцена: Со музика во одбрана на слободата отворен 45. „Скопје џез фестивал“
