Училиштата во Истанбул затворени поради поплави предизвикани од поројните дождови

Канцеларијата на гувернерот на Истанбул нареди затворање на училиштата, одобри отсуство за одредени вработени во јавниот сектор и ги повика граѓаните да останат дома, откако обилните врнежи денеска предизвикаа поплави низ градот.

Според медиумските извештаи, водените буици поплавија домови и деловни објекти, како и патишта и подвозници, при што беа заробени возила и настана сообраќаен хаос во градот со околу 16 милиони жители. Немаше извештаи за сериозни повреди.

🇹🇷 Terrifying! Istanbul is literally underwater after a heavy downpour

Passengers were trapped inside a bus and are trying to escape the rising floodwaters by climbing onto the seats.

— NEXTA (@nexta_tv) October 14, 2026

Во една од градските општини, снимки од телевизиската мрежа NTV прикажаа како минувачи спасуваат жена што била носена по улицата од силната водена струја. Противпожарните служби спасиле уште едно лице заробено во поплавен подрум, се наведува во извештајот.

На снимките се гледаше како надојдената вода однесува неколку паркирани автомобили во друг дел од градот.

Канцеларијата на гувернерот соопшти дека наставата ќе биде прекината на еден ден – четврток – и дека државните службеници со попреченост, како и мајките со мали деца, ќе бидат ослободени од работа. На жителите им беше препорачано да останат дома освен ако патувањето не е апсолутно неопходно, а на оние што живеат во подрумски станови им беше препорачано ноќта да ја поминат на друго место.

Во меѓувреме, воведена е и забрана за сообраќај на мотоцикли, пренесе „Бета“.