Татко од Молдавија почина од тешки повреди здобиени во сообраќајна несреќа на Халкидики, откако неговата сопруга и нивното бебе починаа на местото на настанот.
Несреќата се случила денеска попладне, на регионалниот пат Полигирос – Агиос Николаос, кога патничко возило со молдавски регистарски таблички, во кое се превезувале родители со две деца, се судрило со камион-цистерна, јавува Прототема.
Пожарникарите брзо пристигнале на местото на несреќата и, со помош на специјална опрема, ги ослободиле жртвите. Жената и бебето биле извлечени од автомобилот без знаци на живот, додека таткото и малолетното дете биле извлечени тешко повредени, со краниоцеребрални повреди.
Екипите на итната помош пристигнале на местото на настанот со еден мотоцикл и три амбулантни возила. Сите четири члена на семејството биле однесени во болница, заедно со возачот на цистерната.
За жал, таткото на семејството не преживеал и починал во одделот за итни случаи на болница на Халкидики.
Малолетникот останува хоспитализиран, додека возачот на цистерната е во стабилна состојба и не се здобил со сериозни повреди.
Точните причини и околности за оваа тешка несреќа ги утврдуваат надлежните органи на сообраќајната полиција во Полигирос.
ИЗДВОЕНИ
„Ги знаела процедурите, но ги знаела и шемите за продажба на бебиња“ – 8 години затвор за посредничката
Стевче Јакимовски доброволно замина на отслужување на затворската казна од шест и пол месеци
Потврдена пресудата доживотен затвор за убијците на Вања и Панче
Уапсен брачен пар од Скопје, мажот девет пати му забил нож во градите
