Трамп и Меланија снимени како се расправаат: Првата дама не можеше да го скрие својот гнев, откриено е за што разговарале/ВИДЕО

Меланија и Доналд Трамп се најдоа во центарот на вниманието откако нивниот разговор за време на појавувањето на „Гран При-то“ на „Фридом 250“ изгледаше прилично непријатен.

Видео од нивната приказна брзо се прошири на социјалните мрежи, а на него се гледа како првата дама му зборува на својот сопруг со сериозен израз на лицето, во еден момент го погледнува остро, а потоа ја фрла косата и ја врти главата.

Поради очигледната тензија меѓу нив, британскиот портал „Метро“ ја ангажираше професионалната читачка на усни Никол Хиклинг за да се обиде да го протолкува нивниот разговор.

Нивниот краток, но необичен разговор се случил веднаш откако Меланија се вратила во Белата куќа по 31-дневно отсуство од јавноста. Нејзиното повлекување претходно предизвикало бројни шпекулации и голем медиумски интерес.

Според толкувањето на Хиклинг, Меланија ѝ се приближила на својот сопруг и наводно му рекла: „Тоа е приватна и важна порака“.

Трамп потоа ја прашал: „Дали е доста?“

A camera focused on Donald Trump and his wife Melania appeared to capture the pair having a brisk exchange of words during The Freedom 250 IndyCar race.

According to professional lip reader Nicola Hickling – who described the conversation as ‘intense’ – here’s what was said: pic.twitter.com/ZYdr5DivSR

— Metro (@MetroUK) August 24, 2026

„Не знам“, одговори таа, на што американскиот претседател рече: „Тогаш морам да ја видам“.

Меланија потоа, според читањето од усни, му рекла: „Доналд, слушај ме, си одам“.

Трамп потоа наводно рекол: „Слушај, таа те замоли да не ја затвораш вратата“.

Кога Меланија го прашала зошто, тој одговорил, според читачот од усни: „Тоа се лоши вести, но ова е незгодно време, Меланија“.

Првата дама наводно ја опишала целата ситуација како „луда“, а потоа му шепнала нешто друго. Трамп одговорил: „Доста ми е од неа“.

На самиот крај од разговорот, Меланија наводно рекла: „Очигледно ќе ја видам утре наутро и ќе разговарам со неа“.

Нивната необична интеракција привлече дополнително внимание поради моменталниот јавен интерес за односот на Трамп со неговата 35-годишна соработничка и асистентка Натали Харп. За нивната блискост претходно објавија новинарите на „Њујорк тајмс“, Џонатан Свон и Меги Хаберман, но темата повторно се актуелизираше по коментарите на демократскиот сенатор Џон Ософ.

Ософ иронично изјави за време на предизборниот митинг дека Трамп „не сака да си ја работи работата“, туку сака „да изгради своја балска сала и да патува со Натали во нивната очигледно незаштитена летачка палата што им ја дал емирот од Катар“. Тој се осврна на новиот авион „Ер Форс Уан“ што американскиот претседател го доби од катарското кралско семејство.

Неговата изјава предизвика бројни реакции и го пренасочи вниманието кон претходно објавените детали за однесувањето на Харп, што некои коментатори го сметаат за необично.

Меѓу нив се и нејзините лични пораки до Трамп во кои таа го нарекува свој „чувар и заштитник во овој живот“. Исто така, беше објавено дека во октомври 2023 година, таа наводно се возела во багажникот на џип бидејќи немало место за неа во поворката што Трамп ја водел на неговото судење во Њујорк во граѓанска парница поврзана со измама.