Полицијата во Велес приведе 21-годишен жител на Чашка по пријава дека без согласност ја внел својата поранешна 17-годишна девојка во автомобил.
Од МВР информираат дека на 26 август во 1 часот по полноќ, полициски службеници од СВР Велес го лишиле од слобода Б.О. од Чашка.
Според пријавеното од очевидци, тој ја внел 17-годишната девојка во патничко возило „фолксваген голф“ со велешки регистарски ознаки, без нејзина согласност.
Возилото набрзо било запрено од полициски службеници, по што 21-годишникот бил приведен во полициска станица.
За случајот бил известен јавен обвинител, а по целосно документирање на настанот против него ќе биде поднесена соодветна пријава.
ИЗДВОЕНИ
Не чекала некој да ѝ каже дека може, седнала зад воланот и докажала
АЛАРМАНТНИ РЕЗУЛТАТИ ОД ИСТРАЖУВАЊЕТО „Дисраптинг харм“: До 12.000 деца во Македонија годишно изложени на сексуална злоупотреба преку интернет
БАЛКАНОТ ЗАВИЕН ВО ДИМ! Дождот не помага, ветерот ја шири огнената стихија во четири земји!
Кирил Лазаров: Да не бев Македонец, немаше да се вратам и да работам во Македонија
