Траект полн со патници се судри со брод! Камерите ја снимија драмата кај Крит/ВИДЕО

Камерите го снимија моментот кога патничкиот ферибот „Елирос“ и товарниот брод „Јосиф К“ се судрија во пристаништето Суда. Во моментот на несреќата, траектот „Елирос“ пловел на редовна линија кон Пиреја со 100 патници, 32 патнички автомобили и 74 камиони. Во исто време, товарниот брод, кој превезувал 84 камиони, изведувал маневар за застанување во пристаништето.

Видеото ги прикажува драматичните секунди во кои двата брода се приближуваат еден кон друг на неколку метри, по што се случува судир што не можел да се избегне.

🔴Συναγερμός σήμανε στις λιμενικές αρχές καθώς δύο πλοία, το επιβατηγό οχηματαγωγό, ΕΛΥΡΟΣ και το Ro Ro Cargo Iosif K. συγκρούστηκαν στο λιμάνι της Σούδας στα Χανιά.

Από τη σύγκρουση δεν υπήρξε τραυματισμός ούτε προκλήθηκε θαλάσσια ρύπανση, σύμφωνα με το https://t.co/LoAdSH4Il8.… pic.twitter.com/6Rp6gSv65L

— in.gr/news (@in_gr) July 21, 2026

И покрај силниот удар, во поморската несреќа нема повредени и немало истурање на гориво или загадување на морето.

Товарниот брод бил закотвен во пристаништето по инцидентот во присуство на пристанишните власти, кои ги истражуваат точните околности под кои се случил судирот.

За двата брода, пловењето е привремено забрането додека не се извршат технички прегледи и не се издаде сертификат за пловидба.