„Ти си ми сѐ, не сакам никогаш да те изневерам“: Протекоа интимни писма кои блиска соработничка му ги испраќала на Трамп – Белата куќа ја брани

Обелоденети се писма што блиската соработничка на Трамп, Натали Харп, му ги испратила на претседателот на САД.

Личните писма на Натали Харп до претседателот Доналд Трамп се објавени во целост за првпат.

„Ти си сè што ми е важно. Никогаш не сакам да те разочарам“, напишала Харп во едно од писмата.

Харп била една од ретките личности што го придружувале Трамп кога тој тајно го напуштил претседателскиот авион („Air Force One“) во Турција, качувајќи се во камион за достава на храна – оставајќи ги зад себе државниот секретар Марко Рубио, персоналот и новинарите како мамка – додека тој летал со таен авион за да избегне наводен ирански заговор насочен кон претседателскиот авион.

Писмата биле напишани во 2023 година, за време или по патувањата на кои Харп го придружувала Трамп во Шкотска и Ирска. Таа тогаш имала 31 година, а Трамп 76. Во писмата, Харп изразува завист кон жените чија единствена работа е да разговараат со Трамп и да изгледаат добро.

„Ја сакам таа работа“, напишала таа во едно од писмата, додавајќи дека ѝ недостигаат деновите кога тој ѝ се јавувал и разговарале за сè и сешто.

„Не би требало постојано да зборуваме за работа“, му напишала таа на Трамп.

Две од писмата му биле предадени на Мајкл Волф, водител на емисијата *Inside Trump’s Head* („Во главата на Трамп“), додека тој ја подготвувал својата книга *All or Nothing* („Сè или ништо“) за кампањата на Трамп за 2024 година.

Инаку, Харп самата себеси се нарекува „човек-печатач“ – прекар што наводно ѝ го дал тимот на Трамп бидејќи таа редовно му печатела и му носела позитивни медиумски написи и извештаи, пишува *The Daily Beast*.

Белата куќа ја брани лојалната соработничка
„Натали Харп е една од најлојалните и највредните соработнички во тимот на претседателот Трамп. Постојаните напади од страна на ’лажните вести‘ врз претседателот Трамп и неговата администрација докажуваат токму зошто довербата во медиумите е на историски ниско ниво. Медиумите треба да се вратат на известување за вистински вести и да престанат да ги повторуваат ставовите на либералите опседнати со омраза кон Трамп“, изјави Дејвис Ингл, портпарол на Белата куќа.

Волф наведува дека ги добил пораките од извори во рамките на кампањата на Трамп, кои биле загрижени поради блискоста на односот меѓу Трамп и Харп. „Ова не е вид на однос што треба да постои во професионална средина“, рече Волф.

Натали Харп заработува годишна плата од 150.000 долари и е позната како „чувар на влезот“ (gatekeeper) на Трамп. Се дозна дека таа цела година одбивала да се подложи на безбедносна проверка. Исто така, излезе на виделина дека таа станала посредник преку кого странски лидери стапуваат во контакт со претседателот.

Се известува и дека Харп има пристап до профилот на претседателот на платформата „Truth Social“, а насумичната употреба на големи букви и граматичките грешки во нејзините белешки откриваат стилска сличност со објавите на Трамп на социјалните мрежи.

„Гледам дека паѓам во твоите очи“
Овие пораки биле напишани за време или веднаш по посетата на Трамп на неговите терени за голф во Шкотска и Ирска во мај 2023 година. Харп била фотографирана како излегува од авионот „Trump Force One“ во Абердин и на теренот во Турнбери. Една од пораките била напишана како извинување, што укажува на тоа дека таа се плашела оти го налутила Трамп за време на патувањето.

„Жал ми е. Мислев дека сум единствената што останала назад синоќа и немав поим дека и Марго била запрена и вратена на аеродромот“, напишала Харп. Таа мислела на Марго Мартин, соработничка за комуникации во Белата куќа.

„Бидејќи бев сама во комбето пред царината, без пасош, ме фати паника. Требаше да се јавам во Тајната служба, а не кај тебе“, напишала таа.

Во пораките, Харп навела дека сака сè секогаш да биде во ред меѓу нив, но дека ја вознемириле коментарите на другите луѓе.

„Не затоа што ми е грижа за мислењата на другите луѓе, туку затоа што гледам дека паѓам во твоите очи и го губам твоето добро мислење. Токму тоа е стравот што го гледаш, бидејќи никогаш не сакам да ти донесам ништо друго освен радост“, му напишала таа на Трамп во тоа време.

Поранешната водителка на „One America News Network“ (OAN) изјавила дека ѝ недостигаат деновите кога ја водела емисијата, а тој ѝ се јавувал. „Секогаш сум се чувствувала како некој што постои некаде на средина – меѓу персоналот и луѓето со кои уживаш да разговараш во авион или на вечера, бидејќи таква бев јас кога водев ток-шоу. Сакам да слушам разговори бидејќи тогаш се забавуваш и, барем на момент, се тргаш од сè друго“, пишува таа.

Нејзината цел е да го направи Трамп горд
„И те молам, дали ќе ми кажеш кога ќе направам грешка? Имаш целосно право да ми викаш – ако е потребно и кога го заслужувам тоа – бидејќи никој не ме познава подобро и никој не се грижи повеќе за мене“, пишува Харп. Харп, која израснала во Калифорнија, го привлекла вниманието на претседателот во 2019 година откако се појавила на „Фокс њуз“ (Fox News), каде што спомнала закон што тој го потпишал претходната година, а кој ѝ помогнал во закрепнувањето од рак на коските. Експертите се сомневале дали законот навистина можел да помогне, со оглед на нејзините јавни изјави за текот на болеста. Таа одржала говор на Националната конвенција на Републиканската партија во 2020 година и учествувала во кампањата на Трамп истата година. Подоцна, таа работела за мрежата OAN сè до 2022 година, кога се приклучила кон тимот на Трамп како соработник.

Натали Харп израснала во длабоко религиозно семејство. Нејзиниот татко Роберт – агент за недвижности – студирал теологија во Тексас, додека нејзината мајка Џил дипломирала на насоката за христијанско образование. Самата Харп студирала на христијански универзитети – „Поинт Лома Назарен“ и „Либерти“ – но нејзиниот семеен живот бил одбележан со бројни трагедии. Нејзината тетка починала од рак во 2009 година, а потоа, во 2016 година, починала и нејзината сестра. Најголемата траума ја доживеала во 2020 година, кога нејзиниот татко си го одзел животот. Нејзиниот брат, со кого моментално не е во добри односи, јавно открил дека Натали одбивала да ги прифати вистинските околности околу смртта на нивниот татко. Подоцна дури и изјавил дека Харп имала нездрава опсесија со претседателот.

„Ти благодарам што секогаш си тука за мене. Никогаш нема да го заборавам моментот кога ми го даде тоа ветување откако го загубив татко ми; исто така знам колку е среќен сега што навистина ги посетив Шкотска и Ирска, токму онака како што тој отсекогаш сакал за мене“, напишала Харп во едно од писмата.

This is real. And the letter is only the beginning.

Natalie Harp wrote Trump:

“You are all that matters to me.”

“I never want to bring you anything but joy.”

“You are my Guardian and Protector in this Life.”

“With all my heart, Natalie.”

She reportedly ran after his golf… pic.twitter.com/1lAdG0t3RB

— Morgan J. Freeman (@mjfree) August 21, 2026