Страотен пожар кај Мадрид: Дури ни 500 пожарникари и 25 канадери не успеваат да го стават под контрола

Шпанските власти денес соопштија дека голем шумски пожар североисточно од Мадрид зафатил површина од приближно 13.000 хектари и сè уште е надвор од контрола.

Пожарот се шири; евакуирани се десетици населби
Јавниот радиодифузер RTVE објави дека во текот на ноќта пожарот напредувал уште 14 километри, додека повеќе од 500 пожарникари и припадници на службите за итни случаи работат на создавање заштитни појаси и ставање на пожарот под контрола, откако тој избувна во четвртокот.

На копнените екипи им помагаат 25 авиони за гаснење пожари. Регионалната министерка за животна средина, Мерцедес Гомез, изјави дека 20 општини – во кои живеат околу 800 жители – се евакуирани од претпазливост и дека пожарот засега успешно се држи подалеку од населените места.

Сушата и ниската влажност го поттикнуваат ширењето
Ризикот од пожари е висок низ поголемиот дел од Шпанија, бидејќи земјата се соочува со тешка суша и ниска влажност на воздухот.

Според Европскиот информативен систем за шумски пожари (EFFIS), од почетокот на годината, шумските пожари во Шпанија уништиле повеќе од 80.000 хектари – речиси двојно повеќе од површината изгорена во истиот период минатата година.